Muqammal Ishq

Samajh nahi aata ke suruat kaise karu

Abhi to maine tujhe jee bhar ke dekha bhi nahi

Tere aane ki aahat meri dhadkan ko chalne ki wajah mil jati ho jaise

Tere pair padne se zameen ko khud par fakr hota ho jaise

Jab tum chalti ho meri nigahe jaise bas tumko hi dekhna chahati hai

Kho jana chahati hai tujhme hi bas tera hi ho jana chahati hai

Tere hoth jaise gulab ki pankhudi bhi sharmaa jaye

Teri aankhen jaise kajal bhi khud ko feeka mahasoos karta ho

Teri aankon ko dekh kar main jaise nashe me kho jata hu

Agle hi pal me khud ko jannat ke darwarje pe pata hu

Tere palake uthane par jaise suraj nilne ki tyari me laga jata hai

Zulfen jab bikhrati ho mano ghataye or andhera cha jata hai

Teri hansi jaise chidiyo ko chahakne ki ek wajah mil gayi ho

Phoolo ko bhi khilne ka bahana mil gya ho

Tere khamoshi bhi itni khobsurat hai ke baat karna chhod du

Tere ek isara jaise kaynath ko jhuka dene ka hukum deta ho

Gar khawabo me bhi sochta hu tujhe pane ki to raate ruth jati hai

Wo bhi tujhe paane ke koi sajish rach rahin jo jaise

Khuda bhi jalta hai tumhe is duniya me bhejne ke baad

Tujhe banane me jaise uski bhi ek umar beeti ho

Tumhe mahfooz kaise karu is jahan se kuch to bta

Teri hifazat me jaise khud ko bhi jala lu main

Ab din mahine saal beetne ke baad wo har lamhat beetne ke baad

Mere dil ne tumko jagah di hai apne dil se pahale mere dil ke baad

Do dilo ke beech rakkha hai tumko main ab khona nahi chahata

Bahut roya hu rahkar door tumse main ab rona nahi chahata

Ab ye hoth to khol kuch bol jo mere dil ko bhi sunai de aawaz teri

Wo intezaar me rahata hai teri ek aahat sunne ko

Ab tum mere ho par mujhe jaane kyu yakeen nahi aata

Jaise kisi faqir ko khazana raas nahi aata

Tumhe dekhkar hi mere dil ko sukoon mil jata hai

Par jaane kyu teri ruh tak jaane ko jee chahata hai

Gar izajat de tu mujhe main tujhme hi bas jau

Tu kahe to chalu nahi to ruk jau bta ruk jau

Mere hare khayalat me tu hai mere har ek lamhat me tu hai

Kaise karu puri kahani apni meri har baat me tu hai

Apna saya daal mujhpe ab mukammal to kar de

Ya bahati hui in aankhon ko patthar to kar de

Ek ho jaye dono do na rahe chal

Muskil hai jeena tere bina ek ek pal

Teri halki si muskurahat ne wo kaam kar diya

Ek taraf tu ek taraf sara jahan kar diya.... Ek taraf tu ek taraf sara jahan kar diya

ravimusicpoems.blogspot.com