Ek Anubhav

Khone ko tha kya pass mere

Kya lekar main kuch aaya tha, 

Khule hath mere masum sa tha

Maati se bana ye kaya tha,

Aaj chala hu main Koi sath nahi

Afsosh ki koi baat nahi, 

Mujhe jaana akele hi hoga,

Kyoki main akele aaya tha.

Bachpan tha mera sone jaisa

Par jee bhar ke main soo na saka,

Har chiz ko khel samajhta tha

Katon pe bhi hans ke chalta tha,

Jab rang jawani ka aaya

To apna bhi main ho na saka

Sapne ho rahe the dur mere

Bas muskil badhti jati thi,

Par khoj raha tha main jisko

Wo rah nazar nahi aati thi,

Dard bahd gya tha itna mera

Ha khulkar ke main ro na saka.

Kuch rishte naate the mere

Kuch apne bhi hue paraye the,

Ek karz tha mujh pe baaki wo

Bas usko lene aaye the,

Main bebas tha lachar tha main

Bas andhera sa chaya tha, 

Samaya beet gya to yaad aaya

 kuch pyar ke deep jala na saka,

Ab harj nahi tha kuch bhi mujhe

Bas itna kahne paya tha,

Kuch lena nahi tha duniya se 

Yha waqt main dene aaya tha,

Khule hath mere masum sa tha

Ek anubhav karne aaya tha

Ek anubhav....... 

http://ravimusicpoems.blogspot.in/