Beti Ki Pukar......

Main sochti hu ke ye sansar mujhe 

Kyo nahi apnata hai,

Jimmewar maanta hai mujhe

Gunah khud kiye jata hai,

Kyo khule ashmaan me saans 

Lene ka mujhe adhikar nahi,

Main karti hu to gunah hai

Wo khud kare inkaar nahi,

Beti aur Bete me fark

To inshan me banaya hai,

Nari sakthi ko to shish 

Bhagwan ne jhukaya hai,

Agar hai nahi vishwas to 

Itihas utha kar dekh lo,

Sardha manu ki Gatha ka 

saransh utha kar dekh lo,

Utha kar dekh lo

"Maa" parwati ki pratigya,

Ya phir jag janni Sita ka

Abhimaan utha kar dekh lo,

Main ye bhi nahi kahungi ki

Sabhi nari ek saman hai,

Kuch hai hamme "Pragya"

Kuch thodi si "Agyan" hai,

Jo padaye likhaye beti ko 

Usko mera pranaam hai,

Jab aankhen meri khulti hai 

Mujhe yahi shikhaya jata hai,

Tum kamjor kadi ho jeevan ki

Bas Shish Jhukaya jata hai,

Ye aangan teri seema hai

Is duniya se tera kaam nahi,

Kadi dhoop hai mere jeevan me

Chaya ka koi naam nahi,

Main nahi mangti hu Adhikar koi

Tum farz nibhao yahi kaphi hai,

Ek mauka do mujhe jeene ka

Jo mila nahi abhi baki hai,

Jo Rakhi bandhugi main 

Apne bhai ki Kalai par

Wo mera kavach banegi,

Hoga "Abhimaan

Mere "Papa" ko mujh par

Meri mehnat ye sabit karegi,

Sukh Dukh me sath nibhane ka

Ik mauka "Maa" mujhko bhi do,

Tere dard me sath tera jo de

Tere sath koi tera to ho,

Har Maa ek din ek beti thi

Phir mujh par kyo aaj nishana hai,

Aise na mujhse muh modo

Kya tumko nahi farz nibhana hai,

Meri vinti tumse hai "Mata"

Meri tumse arz pukar hai,

Bin Beti na koi Maa hogi

Bas honi Hahakaar hai,

Jab koi sanskar nahi hoga

Kya jeena Dushwar nahi hoga,

Jab hoga nahi koi "Hamrahi"

Aapas me pyar nahi hoga,

Mera aana vayarth nahi hoga 

Aisa koi anarth nahi hoga,

Jab har ghar me Beti hogi

Phir koi atyachar nahi hoga.

Bete-Beti me fark nahi hoga........

http://ravimusicpoems.blogspot.com/